كل ما تريد معرفته عن كليه السياحه والفنادق

[NOna elsh3nona]

كل ما تريد معرفته عن كليه السياحه والفنادق

*السلام عليكـــــــم*


التعريف بالكلية:

هى كلية تدخل دراستها فى مجالات السياحة والفنادق و الارشاد السياحى .



أقسام الكلية:




1-دراسات سياحية
2-دراسات فندقية
3-ارشاد سياحى



شروط قبول الطالب بالكلية:

1- ان يجتاز اختبار القدرات التى تعلن عنها الكلية عقب امتحانات الثانوية العامة .

2-أن يكون الطالب حاصل على مجموع 70% (35 من 50 ) على الأقل فى اللغة الأجنبية الأولى .

3-يجوز قبول خريجى المدارس و المعاهد الفنية للسياحة والفنادق الذين يرغبون فى مواصلة دراستهم بكلية السياحة والفنادق بنسبة لا تزيد عن 10% من إجمالى عدد الطلاب المقبولين من حملة الثانوية العامة والمرشحين من قبل مكتب التنسيق فى نفس العام، ويشترط إجتيازهم إختبارات القدرات قبل التقدم لمكتب التنسيق مع مراعاة أن يكون الطالب حاصلاً فى الدبلوم المتخصص على مجموع 75% على الأقل، كما يشترط إجتياز الطالب إمتحان فى اللغات الأجنبية التى تعقدها الكلية حيث إن إجادة اللغات الأجنبية تعد شرطاً عاماً للقبول بالكلية .



نظام الدراسة:

1- مدة الدراسة لنيل درجة البكالوريوس أربعة سنوات مقسمة إلى ثمانية فصول دراسية على أن تكون نتيجة السنة الدراسية وحدة واحدة تعلن فى نهاية العام.


2- يعتبر الطالب ناجحاً إذا حصل على 50% من مجموع درجات كل امتحان.
الطالب الذى يرسب فى أكثر من مقررين يبقى للإعادة .
3- فى بعض الجامعات زى جامعة المنصورة وحلوان يكون التحصص فى القسم من السنة الاولى .

وفى البعض الاخر زى جامعة اسكندرية يكون التخصص فى القسم من السنة التانية على حسب تقديرات المواد .



نبذة عن الاقسام:

1-الدراسات السياحية:

هو قسم يقوم بدراسة علم السياحة و الشركات السياحية وشركات الطيران وكل شىء يخص السياحة بجميع انواعها.

2-الدراسات الفندقية:

تقوم الدراسة فيه على ثلاثة اشياء وهم :

اأولا: إدارة الفنادق ويقوم الطلاب بتعلم كيفية إدارة المنتجعات السياحية - الأغذية والمشروبات - خدمة الغرف - المكاتب الأمامية.

ثانياً: الأغذية والمشروبات f&b يقوم الطلاب بدراسة قوائم الطعان وتقيمها - مراقبة الأغذية والمشروبات - كيفية الطهو الفندقى وأسسه.

ثالثاً: التسويق يقوم الطلاب بدراسة الإقتصاديات التسويقية لمختلفة المنشآت السياحية - عمل دراسة جدوى لإنشاء مشروع سياحى - دراسة النواجى المالية لإدارة المشاريع السياحية.



3-الارشاد السياحى:-

-تقوم الدراسة فى هذا القسم بتعريف الطلبة بالحضارات المختلفة التى عاصرتها مصر من أول الحضارة الفرعونية ثم القبطية فالإسلامية.

- يقوم القسم بتعليم الطالب اللغة المصرية القديمة وطريقة كتابتها ومدى أهميتها فى شرح المعالم المصرية القديمة.

- يقوم القسم بإعداد رحلات دراسية تعليمية للطلبة لزيارة المواقع الأثرية المختلفة فى كافة أنحاء مصر (أسوان – الأقصر – القاهرة - ...) وتعليم الطلاب كيفية التعامل مع السائحين المصريين والأجانب كمرشدين سياحين وكيفية التواصل معهم فى الواقع العملى.

- ملحوظة : فى قسم الدراسات السياحية وقسم الدراسات الفندقية يتم تدريس لغتينطوال الاربع سنين يختارهم الطالب من بينهم اللغة الانجليزية اما فى قسم الارشاد السياحى فكل المواد باللغة الانجليزية ويتم تدريس لغات ايضا .



التدريب الصيفى:

- يقوم طلاب الكلية بالتدريب فى الصيف فى احدى شركات السياحة والسفر او شركات الطيران بالنسبة لطلبة قسم الدراسات السياحية .

- وفى الفنادق او المطاعم بالنسبة لطلبة قسم الدراسات الفندقية .

- وزيارة الاماكن السياحية و الاثار المصرية بالنسبة لطلبة قسم الارشاد السياحى .



الجامعات التى تدخل فيها الكلية:-

جامعة المنصورة - جامعة الاسكندرية - جامعة حلوان - جامعة المنيا - جامعة الفيوم - جامعة قناة السويس فرع الاسماعيلية - جامعة المنوفية (مدينة السادات) - جامعة جنوب الوادى فرع الاقصر .



مجالات عمل الخريجين:

1- خريجى قسم الدراسات السياحية:

تتضمن : 1- شركات السياحة:
- قسم "Operation" تنفيذ البرامج السياحية.
- قسم السياحة الداخلية – قسم السياحة الدينية (الحج والعمرة).
- قسم السياحة الخارجية – قسم الحجز (البواخر – المراكب – النقل).
- قسم الطيران بالشركة.

2- شركات الطيران:

- حجز تذاكر الطيران.

3- في المطارات:

- الضيافة الجوية.
- العلاقات العامة بالمطار.

4- وظائف عامة مختلفة :

- العلاقات العامة بشكل عام في أي مؤسسة.
- شركات التسويق والمبيعات
- شركات المحمول (أقسام التسويق – المبيعات - خدمة العملاء).

ويمكن ان يعملوا كمرشدين سياحيين اذا حصلوا على دبلومة ارشاد سياحى لمدة سنتين وعلى فكرة الدبلومة دى صعب ان حد ياخدها .

2- خريجى قسم الدراسات الفندقية:
مطلوبين بشدة فى مصر و الدول العربية و بيترقوا بسرعة و مرتباتهم حلوة برضو و كل ما تثبت نفسك فى الفندق اللى انت بتشتغل فية بيعلى مرتبك وتحصل على منصب اكبر .


3- خريجى قسم الارشاد السياحى:

بيشتغلوا مرشدين سياحين و ممكن يشتغلوا مدرسين فى اى لغة وخريجى هذا القسم بياخدوا رخصة الارشاد فور تخرجهم من الكلية وعلى فكرة الرخصة دى هى الاثبات الوحيد للمرشد السياحى انه مقيد فى نقابة المرشدين السياحيين .
اما بالنسبة لمرتباتهم فتبقى حسب اللغات اللى معاك وكل ما يبقى معاك لغة نادرة بتاخد فلوس اكتر وعالعموم مرتب المرشد السياحى بيتراوح ما بين (3000 الى 6000 جنية او اكتر ) وممكن تقل عن كدة لو معاكش لغة نادرة .



دبلوم الدراسات العليا :

يمنح مجلس الجامعة بناء على إقتراح مجلس الكلية درجة دبلوم الدراسات العليا فى إحدى التخصصات الآتية:

1- السياحة
2- الفندقة
3- الإرشاد السياحى



شروط القيد بدبلوم الدراسات العليا :

1- أن يكون حاصلاً على مؤهل عال من إحدى جامعات جمهورية مصر العربية أو درجة معادلة من معهد عال معترف به.
2- يفضل من يعملون فى مجال السياحة والفندقة.
3- أن يجتاز بنجاح الإختبارات المقررة التى يقررها مجلس الكلية للتأكد من صلاحيته للدراسة.
4- مدة الدراسة لنيل أى دبلوم دراسات عليا سنتان جامعيتان.
5- تقدم الطلبات في الموعد المحدد من كل عام.



ملحوظه اخيره : كليه السياحه و الفنادق جامعه حلوان : الكليه مش فى الجامعه و لكن عند فندق جراند حياه (المريديان)

شكر للمصدر: منتديات يلا جامعة | YaLaGaM3a FOrums - من قسم: كلية السياحه والفنادق جامعة حلوان

---

;g lh jvd] luvtji uk ;gdi hgsdhpi ,hgtkh]r

[essam.koky]

معلومات هايله نونا تسلملنا جميله

[NOna elsh3nona]

يسلملى مرورك كوك

[ابنة الاسلام]

موضوع جميل
تسلمي على المجهود يا قمر

[NOna elsh3nona]

ميرسى قمرايه

[red rose]

نوبيك جميل ومعلومات قيمة بس ليا اضافة الفرقة الاولى فى الكلية مقرها فى الحرم الجامعى فى الجامعة فى حلوان يعنى الكلية ليها فرع تانى فى الحرم الجامعى واحتمال الكلية تتنقل لية قريب

[NOna elsh3nona]

ميرسى لاضافتك ياقمر
تسلميلى

[mahmoud eldiabawy]

معلومات رائعه بس مين قال انى مجال الفنادق مطلوب من فضلك هاتيلى المصدر علشان اضربه ميه شبشب على وش امه اسف بس فعلا شغل الفنادق دلوقتى صعب فى مصر انا بقول كده عن خبره انا فى سنه رابعه فنادق ونزلت اشتغلت بس للاسف المطلوب كثير فعلا بس اقل من الراغبيين فى العمل
ليه السياحه فى مصر الشغل فيها من غير تخصص يعنى اى حد معاه وسطه يشتغل فى السياحه والمتخصيص زى و زيكم من ابناء كليات الياحه مطلوبين برده بس دول مع دول يصبح العدد كبير اذا انا عندى حق فى اللى بقوله المعروض اكتر من المطلوب واساليب العرض كثيره منها واسرعها الوسطه وسلم لى على السياحه فى مصر وكمان اكبر مصايب خلصت علينا هى الازمه الاقتصاديه العالميه وانخفاض سعر الدولار وانفلونزا الخنازير ولسه ولسه ما هى نقصه خراب!
يا نونا توبيك هايل وجامد جدا بس للاسف لم يحالفك التوفيق فى هذه النقطه ويكمن يكون عندك راى اخر بس ده رائى وراى معظم دفعه رابعه فنادق وسياحه وارشاد ايضا واظن ان طلاب السنه الرابعه اكثر خبره
مع الاحترام والتقدير لرايك وشكرا على الوصف التفصيلى للدراسه داخل الكليه.

[mahmoud eldiabawy]

معلومات رائعه بس مين قال انى مجال الفنادق مطلوب من فضلك هاتيلى المصدر علشان اضربه ميه شبشب على دماغه اسف بس فعلا شغل الفنادق دلوقتى صعب فى مصر انا بقول كده عن خبره انا فى سنه رابعه فنادق ونزلت اشتغلت بس للاسف المطلوب كثير فعلا بس اقل من الراغبيين فى العمل
ليه؟ لان السياحه فى مصر الشغل فيها من غير تخصص يعنى اى حد معاه وسطه يشتغل فى السياحه والمتخصيصين زى و زيك من ابناء كليات السياحه مطلوبين برده بس دول مع دول يصبح العدد كبير اذا انا عندى حق فى اللى بقوله المعروض اكتر من المطلوب واساليب العرض كثيره منها واسرعها الوسطه وسلم لى على السياحه فى مصر وكمان اكبر مصايب خلصت علينا هى الازمه الاقتصاديه العالميه وانخفاض سعر الدولار وانفلونزا الخنازير ولسه ولسه ما هى نقصه خراب!
يا نونا توبيك هايل وجامد جدا بس للاسف لم يحالفك التوفيق فى هذه النقطه ويمكن يكون عندك راى اخر بس ده رائى وراى معظم دفعه رابعه فنادق وسياحه وارشاد ايضا واظن ان طلاب السنه الرابعه اكثر خبره
مع الاحترام والتقدير لرايك وشكرا على الوصف التفصيلى للدراسه داخل الكليه.

[حفيده الفراعنه]

معلومات كويسه اوووووووووووووووووووووووووووى