 |
 |
 |
 |
|
 |
منذ /08-02-2010, 04:27 AM
|
#1 | |||||||||
|
Crazy X Crazy
 
|
دوامه الدنيا ،،،،
صباح جديد فى حياة بنت من بنات العالم وبذات مصر وفى احد مدنها و فى احد شوارع هذه المدينة وفى احد بيوت هذا الشارع وبذات فى شباك مقفول وفجاءة ينفتح هذا الشباك وتطل منه فتاة جميلة جمال لايضهى جمال فتيات مصر كأنها ملاك هبط على الارض تغمض عينيها ثم تستنشق هواءا وتزرفه وتفتح عينيها ثانية وتبتسم ثم تدخل الى الداخل يأتى صوت امرأة فاتن انتى صحيتى ولا لسه فاتن البطلة فاتن :ايوا ياماما صحيت الام:طب يله تعالى علشان تجيبى فطار ونفطر قبل ماابوكى يمشى فاتن:حاضر هغير واجى وبعد شوية طلعت فاتن وراحت تجيب اكل وهيا ماشية فى الطريق كان فى واحد مشلش عينه من عليها ومشى وراها فاتن وصلت لحد المطعم كل اللى واقفين فى المطعم ماشلوش عينهم من عليها فاتن بتكلم اللى واقف فى المطعم بيحضر الطلبات وكان شاب فاتن:عايزة بجنيه طعميه وبنص فول وبنص بتنجان الشاب:حاضر وحضرلها طلبها ودها قرطاس علشان الطعميه عند اللى بيعبى الطعميه وكان شاب برده بس كان معجب ب فاتن الشاب:اهلا فاتن بصتله:اهلا بيك..اممم عايزة بجنيه الشاب:ثوانى خليكى واقفة شوية فاتن:براحتك خالص ووقفت مكانها وبصه للطعميه اللى هوا بيعملها وهوا كل شوية يبصلها فاتن رفعت عنيها لقته بيبصلها قامت نزلت عنيها تانى وبعد شوية الشاب:اتفضلى فاتن فتحت الكيس علشان يحطها فاتن:شكرا ومشيت والشاب كان بيرقبها بعنيه اللاتنين ولحظ ان فى شخص ماشى ورا فاتن وكان على طول بيشوفه ماشى وراها الشاب فى نفسه (الراجل ده على طول ماشى ورا الانسة فاتن ..ياترى عايز منها ايه منا لازم اعرف..بس مش هينفع اسيب المحل وامشى الكل هيلاحظ وسمعتها هتبقى وحشة بسببى..يارب) رجعت فاتن البيت وغيرت هدومها وقعدتت تاكل مع ابوها وامها فاتن:بابا خلينى اروح معاك العيادة انهارده علشان خاطرى الاب:شوفى امك لو مش محتجاكى هاخدك معايا فاتن:هه ياماما عايزانى وبتهز رقبتها ببطء وتقولها قولى لا الام ضحكت:لا ملهاش لازمه خدها معاك فاتن:هييييي يعنى هروح معاك الاب:ماشى هتروحى فاتن:وخدنى معاك خلينى اتعلم حاجة قبل ما الاجازة تخلص الاب:عايزة تتعلمى بس هتتعبى فاتن:بس هاخد حسنات الاب:خلاص اتفقنا فاتن:اتفقنا وبعد شوية كانت فاتن لبسه وخارجه تتسوق علشان على العصر تروح مع ابوها العيادة راحت فاتن السوق وعمله تبص هنا وهناك فاتن فى نفسها (افتكرى قوطه وبطاطس وخل ولمون ونص لحمة صغيره وبس هما دول) واشترت الحاجة وروحت البيت وهيا مروحه عدتت على المطعم لان المطعم كان فى نفس طريق السوق وهيا ماشية ادام المطعم لقت صحبتها واقفة فى المطعم فاتن فى نفسها (اميرة..انديها ولالا هتبقى محرجة شوية وعيب عيب ايه ده انا هنادى على صحبتى خلاص هروحلها) وراحت عند اميرة صحبتها اللى كانت واقفة ولسه بتجيب فطارهم فاتن بصوتها الرقيق دايما اللى يما سحر قلوب جمب جملها فاتن:اميرة اميرة سمعت صوت حد بينديها وقعدتت تتلفت حوليها فاتن:هنا الشاب اللى بيعمل الطعميه:هناك ياانسة اميرة:فاتن..استنى شوية فاتن:ماشى وفضلت مستنية صحبتها لحد ماخلصت وجابت الفطار اميرة وهيا ادام فاتن حضنتها:وحشتنينى ياجزمة فاتن:اميرة..احنا فى الشارع اميرة:فيها ايه احنا غلط فاتن ضحكت بخفة:لا لسمح الله بتحضنينى فى الشارع وتقوليلى احنا بنعمل حاجة غلط اميرة:ما بتسأليش ياكلبة يامعفنة فاتن بتتهرب:كلبة ومعفنة اميرة ماشية مع فاتن فى الطريق اميرة:اه وزبالة كمان فاتن:ربنا يسمحك اميرة:طبعا ربنا يسمحنى مابتسأليش ليه ياجزمه فاتن:معلش اميرة:لا مش هقبل اعزار فاتن:اومال هتقبلى فيزة اميرة:هههه ياخفة لا تعاليلى البيت انهارده فاتن:انهارده مش هينفع بكره اميرة:بكره بكره الجمعة ماشى موافقة بعد العصر فاتن:ماشى هجيلك بكره بعد العصر اميرة:امشى يله انا دخلة شارعنا فاتن:سلام اميرة:سلام وراحت فاتن البيت وعلى بعد العصر راحت فاتن مع ابوها العيادة وعلى العشا الاب:فاتن روحى دلوقتى فاتن:لا هروح معاك الاب:لا مش هينفع علشان عندى مشوار لازم اروحه دلوقتى فاتن:يعنى اروح يعنى الاب:معلش فاتن:لا ولايهمك انا هروح وبعد شوية خرجت فاتن من العيادة ومشيت وهيا فى الطريق شافت راجل ماشى وراها ومشيت عادى وبعد شوية بصت وراها لقته ماشى وراها وفضلت تبص وراها وهو ماشى وراها خافت وبذات وهيا ماشية فى حته مافيهاش ناس وفضلت تمد فى مشيتها لحد ما وقعت اكعبلت قام الراجل اللى ماشى وراها جه ومد ايده علشان يقومها فاتن خافت منه وقامت نفضتت هدومها ولسه هتمشى قام مقرب منها قامت فاتن بعدتت عنه ومشيت كان الطريق طويل ومفيهوش حد خالص وكانت عمالة تمد فى مشيتها وهو ماشى وراها لحد ما وقف ادامها فاتن اتخضتت وكانت ميتة من الخوف قامت بعدتت عنه وجريت شوية لحد ما بعدتت عنه ووصلت البيت وهيا مرعوبة وروحت نامت على طول مش عايزة تفكر فى اللى حصل ابدا والصبح راحت تجيب فطار وتتسوق وصلت الضهر وعلى بعد العصر استأذنت من ابوها تروح لصحبتها اميرة فاتن:بابا عايزة اروح ل اميرة شوية الاب بصلها:لا فاتن:علشان خاطرى شوية بس الاب:ماشى فاتن بسته من خده فاتن:تسلملى ياأحلى اب فى الدنيا دى كلها وقامت غيرت هدومها وراحت لصحبتها أميرة وقعدتت فى اوضتها وفتحت الشباك وكان واقف نفس الشاب اللى بيعمل الطعميه فى المطعم فاتن أبتسمت قام هوا الشاب ابتسملها برده فاتن دخلت من جوه اميرة:بتعملى ايه فاتن:فى ايه اميره:فى اللى ضحكتيله ده فاتن:آله ابتسمت بس اميرة:ابتسمت بس وغمزتلها فاتن:لا ياماما عادى يعنى اميرة:اه عادى اوى فاتن:اه عادى على فكره انا مش هقعد كتير اميرة:مش مهم..مالك فاتن:خايفة اوى اميرة:ليه كده فاتن:امبارح رحت مع بابا العيادة ورجعت العشا وانا راجعة كان الطريق فاضى ومافيش غيرى انا وواحد كان ماشى ورايا عادى وسكتت اميرة:كملى فاتن:انا حسه انى هموت مخنوقة عايزة هوا مش قادرة اميرة:قومى نقف فى الشباك فاتن:يله وراحو وقفو فى الشباك اميرة:كملى بقى ايه اللى حصل فاتن:بصيت ورايا عادى ولقيت واحد ماشى كويس اميرة:عادى واحد ماشى فى الطريق كان واقف نفس الشاب وكان سامع الحوار مابينهم فاتن:منا قولت زيك كده برده بس مش اكتر من خمس مرات ابص ورايا ولقيه عمال يبصلى وماشى ورايا وعلشان اتاكد مديت فى مشيتى ولقيته برده بيمد اميرة:يعنى كان ماشى وراكى فاتن:ايوا المهم انا خوفت اوى ومديت لحد ما اتكعبلت ووقعت لقيته واقف ادامى ومادد ايده قال يسندنى علشان اقوم اميرة:وطبعا مديتى ايدك علشان تقومى كان الشاب اللى واقف سامع كل حاجة واضيق جدا فاتن:انتى بتستهبلى لا طبعا قومت ورجعت لورا ونفضت هدومى ومشيت عادى ولا كأن حد واقف ولا مد ايده اميره:جدعه كملى فاتن:وقف ادامى وانا ماشية كان قريب منى قمت رجعت لورا تانى وجريت لحد مابعدت عنه وروحت البيت اميرة:شكله ايه فاتن:شكله يخوف ويقلق كان طويل وجته ووخد مطوه فى وشه واسمر اميرة قلقت:ماتمشيش تانى وحدك فاهمة فاتن:ده انا كنت هموت المشكلة انه كان بيبصلى من تحت لفوق ولما مد ايده شوفت وشم على ايده زى بتوع السجن بظبط اميرة:ياللهوى..لا يافاتن اوعى تمشى لوحدك تانى فاهمة انتى جميلة والف مين يتمنى ..انتى فاهمة الباقى بقى فاتن:مش عارفة اعمل ايه روحت نمت على طول مش عايزة افكر فى اللى حصل خالص كل ما افتكر اخاف اكتر ومش عارفة اقول لبابا ولالا اكمل ولا لا ],hli hg]kdh KKKK ],hli 
|
|||||||||
|
|
منذ /08-03-2010, 01:56 AM
|
#2 | ||||||||
|
عضو مؤسس
|
رد: دوامه الدنيا ،،،،
طبعا كملى القص حلوة اوى وبتشد اللى بيقرأها تسلمى يا قمر على القصة الجميله دى |
||||||||
|
|
|
منذ /08-03-2010, 01:57 AM
|
#3 | ||||||||
|
عضو مؤسس
|
رد: دوامه الدنيا ،،،،
تم التثبيت |
||||||||
|
|
|
منذ /08-03-2010, 11:00 AM
|
#4 | ||||||||
|
Crazy X Crazy
|
رد: دوامه الدنيا ،،،،
انتي الاحلي ياقلي اكيد حبيبي هكمل القصه
،،،، ثانكس كتير علي التثبيت نورتييييييييييييي القصه ياحوبيكاااا ;) |
||||||||
|
|
|
منذ /08-03-2010, 07:46 PM
|
#5 | ||||||||||
|
عضو مؤسس
|
رد: دوامه الدنيا ،،،،
ايوة يااحلا كملية مستنيين الباقى
بس لحد دلوقتى فاتن لازم تقول لعمو علشان الموضوع ميطمنش |
||||||||||
|
|
|
منذ /08-03-2010, 11:56 PM
|
#6 | |||||||||
|
عضو جديد
|
رد: دوامه الدنيا ،،،،
جميلة يا جودي كملي
متااابعة |
|||||||||
|
|
|
منذ /08-07-2010, 10:27 AM
|
#7 | |||||||||
|
Crazy X Crazy
|
رد: دوامه الدنيا ،،،،
اقتباس:
ههههههههههههههههه،،، اة والله يا مي الموضوع في ان ، وكان واخواتها :36_4_111:هههههههههههههههههههههه،،، يلا ياحبي استني مني باقي القصه |
|||||||||
|
|
|
منذ /08-07-2010, 10:29 AM
|
#8 | |||||||||
|
Crazy X Crazy
|
رد: دوامه الدنيا ،،،،
اقتباس:
انتي الاجمل يافريده ،،، اكيد حبيبي هكمل القصه |
|||||||||
|
|
|
منذ /08-07-2010, 10:31 AM
|
#9 | ||||||||
|
Crazy X Crazy
|
رد: دوامه الدنيا ،،،،
يلا ياجماعة علشان خاطركو بس هاكملها القصة فاتن:مش عارفة اعمل ايه روحت نمت على طول مش عايزة افكر فى اللى حصل خالص كل ما افتكر اخاف اكتر ومش عارفة اقول لبابا ولالا اميرة:دى بقى اللى ماعرفهاش فاتن:لو قولتله مش هيأدر يعمل حاجة علشان ما يسوئش سمعتى بأيده الناس مالهاش الا الظاهر ولو ماقوتلهوش اكيد هيحصلى حاجة مش عارفة اعمل ايه اميرة:مش جايز كان انسان عايز يساعدك بس فاتن بدارى شعورها بالخوف:جايز اميرة:المهم حولى قدر الامكان ماتمشيش لوحدك وياستى لو عندك مشوار ابقى قوليلى وانا اجى معاكى فاتن ضحكت:تسلميلى يااحلى ميسو فى الدنيا اميرة بافتخار:ههههه طبعا احلى ميسو فاتن:خدى اقولك اميرة:نعم فاتن بتوشوشها فى ودنها اميرة ضحكت وقالت بصوت واطى:اسمه محمد فاتن:اه محمد ده اللى واقف ادامهم فاتن:هروح انا بقى اميرة:لا خليكى شوية فاتن:معلش بقى مرة تانية اميرة:طب ثوانى انزل اوصلك لحد باب الشارع فاتن:ماشى وبعد شوية كانوا هما ادام باب الشارع فاتن:مع السلامة يااميرة اميرة:مع السلامة ياقلب اميرة فاتن وهيا ماشية بتضحك عليها بصتلها وقالت:سلام ومشيت روحت البيت عادى خالص وعدى اليوم عادى تانى يوم كالعادة الفطار ثم التسوق ثم العيادة وهيا راجعة من العيادة فاتن بصت وراها لقت وراها الراجل نفسه اللى كان ماشى وراها ومعه واحد تانى شكله مايطمنش وكان الوقت بليل على المغرب فاتن فضلت تمد والراجلين ماشيين وراها لحد مابقى ماشيين جمبها وواحد فيهم مسك اديها فاتن كانت خايفة واتخضتت لما مسك اديها قامت خلعت اديها وجريت وهما جريو وراها وهيا بتجرى اتخبططت فى واحد فاتن اتحضتت ورجع لورا واتخبطتت فى نفس الراجل اللى بيشمى وراها قام الراجل مسكها واراجل التانى جه من وراه وقال :اهلا ياجميل..بص لقى واحد واقف بعيد عنهم شوية فاتن:سبنى وصوتت الراجل اللى ماسكها مد ايده ومسك دقنها ورفع وشها:اهلا بيكى معنا وجه يقرب منها قام صحبه التانى قاله:مش دلوقتى بص هناك الاولنى بص مطرح ما صحبه بيشورله لقى واحد جى نحيتهم فاتن عضتت الراجل وجريت منه لحد ما الراجل التانى مسكها فاتن:ابعد عنى وعمالة تعيط وتصرخ سبنى قولتلك سبنى وبصت على الراجل التالت اللى جاى نحيتهم لوسمحت علشان خاطرى ابعدهم عنى عشان خاطر ربنا ومخدتش بالها منه كويس طبعا هيا فى ايه ولا ايه التالت اللى جاى نحيتهم بصوت عالى:سبوها الراجل اللى ماسك فاتن ضحك:سبوه بتقول ايه يا......(شتيمه) فاتن خلعت من ايده وجريت على اللى الراجل التالت واستخبت وراه وهيا ماسكه فى فانلته جامد الراجل التالت مد ايه ومسكها وبصوت واطى بيكلمها:انسة فاتن انا محمد بصيلى كويس وماتخفيش فاتن بصتله وهيا بتعيط:عشان خاطرى يامحمد متسبنيش عشان خاطر ربنا محمد:مش هسيبك طلع واحد من الراجلين مطوه ودخل بيها على محمد وهو واقف مكانه قام محمد تجنبها وقعد يتجنب ضرب المطوه جه الراجل التانى ومسك فاتن وفاتن بتصرخ ومسكه فى ايد محمد ومحمد ماسك اديها وبيتجنب الضرب قام الراجل ماسك فاتن وشدها بالعافيه فاتن بتصرخ وتعيط:لا..متسبنيش محمد عشان خاطر ربنا متسبنيش وعمالة تصرخ وتعيط محمد دمه غلى اكتر وقعد يضرب فى الراجل اللى معاه المطوه والراجل ضربه فى دراعه واتعور جامد وكان الجو طحن بين محمد والراجل اما بين فاتن والراجل التانى الراجل ماسك فاتن وفاتن عمالة تعيط وتصرخ وتستنجد بأى حد ممكن حد يساعدها والراجل قام مطلع مطوه هو التانى وحطها على رقبة فاتن وفاتن عمالة تعيط قام الراجل شادد الطرحه اللى كانت لبسها وعمالة يقرب منها وفاتن تبعده عنها لحد ما عورته فى وشه بضافرها قام ضربها بالقلم ووقعت على الارض محمد خلص من الراجل اللى معاه وطيره بعيد الراجل اول ماشاف المطوه فى ايد محمد قام جرى وساب صحبه راح محمد للراجل التانى اللى كان بيحاول يعتدى عليها وضربه وقعد يضرب فيه لحد ماهوا التانى هرب بس محمد مالحقهوش راح محمد راجع لفاتن اللى كانت مرميه على الارض محمد ماسك ايده:انسة فاتن..خلاص انا ماشيتهم ماتخفيش فاتن ميته من العياط ومش قادرة تعمل اى حاجة ولا عارفة تعمل ايه غير انها تعيط بس محمد سندها علشان تقوم وقعدها على الارض وفضلو شوية على الحال ده وفاتن عمالة تعيط وهو يهدى فيها ويبيبصلها ويتأمل فيها لانه خلاص بقى يحبها فاتن بعد ما خلصت عياط قعدتت منهارة وعنيها مفتوحة على الاخر والدموع نازلة منهم محمد:انسة فاتن فاتن:........ محمد:انسة فاتن فاتن بصتله ومتكلمتش محمد:خلاص بقى ماحصلش حاجة فاتن نطقت وهيا بتعيط:محصلش حاجة..كل اللى حصل ده ومحصلش حاجة..كان شرفى هيضيع ومحصلش حاجة طب قولى اعمل ايه اقول لأهلى ولا لا ولمااقولهم هيعملو ايه هيروحو يبلغو عنهم وتبقى سمعتى انا اللى فى الارض والناس مالهاش الا الظاهر..ولو ماقولتلهمش وخبيت ايه اللى هيحصل وياترى السر بيبقى سر طول العمر ياترى انا شكلى هيبقى ايه لما اكبر هل هتجوز طبعالا هل الناس هتبصلى باحترام وقامت وقفت طبعا لا مهم عملت انا هبقى فى الارض زى الارض دى اللى كل حاجة ضاعت فيها وفى ثوانى بس الحمدلله ربنا من عليا وبعتك ليا قبل ما شرفى يضيع بس لما الناس تعرف هل هيسبونى فى حالى وهل هعيش حياتى زى بقيت البنات وكانت عمالة تزعء محمد حس ان كلامها كله صح(هيا عندها حق الناس مالهاش الا الظاهر) محمد بيزعء:ماهوا انتى اللى غلطانة ماسمعتيش كلام صحبتك اميرة ليه لما قالتلك ماتمشيش لوحدك..انطقى فاتن اتخضتت من زعيئه ونزلت وشها فى الارض وانهارت اكتر من العياط محمد برده لسه بيزعء:وبعدين كنتى مشيتى من طريق فى ناس مش تمشيلى فى طريق ماحدش بيمشى منه خالص فاتن وهياحطه وشها فى الارض ولسه بتعيط وهيا قاعدة على الارض:ا ا انا..اسفة محمد:واسفة دى هتقوليها لمين على رأيك لولا ربنا بعتنى ليكى كان زمانك دلوقتى..شرفك ضاع وبهدوء قال وماتبقئيش فاتن الجميلة والرقيقة واللى الناس بتحترمها وتبصلها باحترام فاتن اول ماسمعت الكلام ده انهارت بس الجزء الاخير من الكلام خلها ترفع وشها والدموع نازلة من عنيها وهيا مندهشة محمد بهدوء:ايوا فاتن الجميلة والرقيقة واللى الف مين يحلف ب شرفها واحترمها ونسلها حتى انا احلف باحترامك وشرفك وقلبى يشهد على كده اضحى بعمرى كله وافديكى بحياتى كلها فى سبيل انى اشوفك فاتن المحترمة والشريفة والجميلة والرقيقة والملاك وفضلو الاتنين ساكتين وفاتن بصاله مش مصدقه الكلام ده خالص ومحمد حاطط عينه فى الارض مش عارف ازاى طلع الكلام ده من بؤه وكان مكسوف فاتن بخوف وقلق:ا انا محمد بصلها:ايوا فاتن بلعت ريقها وبصت فى عينيه عايزة تصدق اللى بيحصل ده والكلام اللى قاله لكن للأسف مقدرش تحط عنيها ابدا ولا قدرت تعرف اذا هيا بتحلم ولاحقيقة وبعدين بصت على دراعه لقته متعور جرح كبير بس على الجلد مادخلش فى اللحم اوى فاتن:دراعك محمد:ولا يهمك فداكى فاتن بتبص جمبها لقت الطرحه قامت مسكها ومقطعه منها حته وربطتت بيها دراعه محمد باصص على الجرح وبعدين على فاتن:شكرا فاتن:دى اقل حاجة اعملهلك بعد ما انقذتنى وحولت تقوم تقف لكن مقدرتش محمد سندها علشان تقوم لكن لما جت تقف مقدرتش ووقعت على الارض فاتن ماسكه رجلها:رجلى محمد:ورينى وجه يشوف مالها رجلها فاتن:لا..ابعد عيب محمد:ماتخفيش هعرف مالها بس فاتن:لا رجلى كويسة ماتخفش محمد:براحتك فاتن:مش مصدقنى طيب وجت تقوم صوتت محمد سندها قبل ماتقع وقعدها محمد:اقعدى عجبك اللى حصل قولتلك خلينى اشوفها مالها فاتن:لا محمد:انتى دماغك ناشفه اوى متخفيش فاتن:عيب..عايز تلمس رجلى محمد:خلاص براحتك على العموم انا كنت رايح مشوار بس..سلام ومشى فاتن خافت اوى وقعدتت تبص حوليها وخافت للناس دى تيجى تانى ويعملو فيها حاجة وقعدتت تعيط وزاد عليها العياط لما افتكرت ان كل شىء كان هيضيع فى ثوانى ورجليها اللى واجعها اوى ومش عارفة تمشى عليها او حتى تسند عليها تمشى حتى لحد البيت بس غطتت وشها بأديها وهيا منهارةمن العياط وفجاة تلقى حد بيشيل اديها من على وشها وفجاة تلقى حد بشيل اديها من على وشها فاتن صوتت ؟!!!!!!!!!!!!!!!! |
||||||||
|
|
|
منذ /08-07-2010, 11:49 AM
|
#10 | ||||||
|
موقوف
|
رد: دوامه الدنيا ،،،،
اخلص منها هناكاجى الاقيها هنا
بصى بكا يا بوت انتى انا قرأت الفصلين دول وفى انتظار الباكى طبعا هو انا اقدر اتكلم |
||||||
|
|
 |
| الكلمات الدلالية (Tags) |
| الدنيا, دوامه, ،،،، |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
| منتدى شعنونه,منتديات علوم,توصيات الفوركس, |
 |
 |
 |
العرض العادي
